Цените на гасот на европските пазари забележаа силен раст по нападите врз индустриската зона Ras Laffan во Катар, пренесува BBC. Овој развој предизвика значителна нестабилност на енергетските пазари и дополнителен притисок врз снабдувањето.
Во раното тргување, цените на големо во Велика Британија и низ Европа пораснаа за повеќе од 25 проценти, по што следеше благо стабилизирање. И покрај тоа, цените остануваат повеќе од двојно повисоки во споредба со нивото пред почетокот на конфликтот.
Дополнителен раст од над 20 проценти беше забележан утринава по новите напади врз енергетската инфраструктура на Блискиот Исток, вклучувајќи го и клучниот гасен објект во Катар. Истовремено, цената на нафтата порасна за околу 5 проценти и достигна приближно 113 долари за барел.
Според државната енергетска компанија QatarEnergy, нападите предизвикале значителна штета врз главниот гасен центар во земјата, што дополнително ја зголеми загриженоста за глобалното снабдување со енергенси.
