Северна Македонија повторно запишува страници во светската музичка историја.
Меѓународно реномираниот електронски музички бренд (продукциска и издавачка
куќаp; агенција за менаџмент на артисти) Cafe De Anatolia, чиј корен е токму од
нашата земја, потпиша историски договор за глобална администрација на издавачки
права со Sony Music Publishing MENA — еден од најзначајните договори некогаш
склучени од македонски, но и источноевропски музички бренд.
Официјалната објава на партнерството беше проследена со силна порака од Sony на
социјалните мрежи: „Welcome Home“ — симболично обединет повик за културно
единство и заедничка мисија во пренесување на глобалните звуци до најшироката
светска публика.
Прв македонски, но и источноевропски музички бренд на Тајмс Сквер
Во 2023 година, Cafe De Anatolia стана првиот македонски, но и источноевропски
музички бренд кој доби промоција на легендарниот Тајмс Сквер во Њујорк — подвиг
кој ја постави македонската музичка сцена пред милиони погледи и ја зацврсти
позицијата на лејблот на светската мапа.
Над 70 YouTube награди и повеќе од 2 милијарда прегледи
Со мрежа од над 300 активни YouTube канали, брендот поседува повеќе од 70
престижни YouTube Creator Awards, меѓу кои Сребрени плакети за над 100 илјади
претплатници и Златни плакети за над еден милион. Содржината на Cafe De Anatolia
веќе ја надмина бројката од 2 милијарда прегледи, со што стана најуспешниот
електронски музички бренд од Македонија и Источна Европа во својата
категорија.
Најголемата Spotify мрежа во Organic House жанрот
Cafe De Anatolia ја оперира најголемата Spotify мрежа во жанровите Organic House,
Ethnic Deep House и Oriental Chill, со милиони месечни слушатели ширум светот.
Нивните внимателно курирани плејлисти, радиостаници и изданија создадоа верна
глобална публика. Ко-основачите на лејблот Rialians On Earth и Billy Esteban,
моментално се најстриманите македонски музичари во светот, со најголема
меѓународна фан-база во светот.
Каталог од над 10.000 траки — најголем во светот во жанрот
Каталогот на Cafe De Anatolia брои над 10.000 оригинални траки, што ja прави
најголемата продукциска куќа со најголем Organic House каталог во светот. Со повеќе
од 50 под-брендови и мрежа од над 4.000 автори и уметници, брендот претставува
центар на иновација, лиценцирање и мултикултурно раскажување преку звук.
Од Македонија и Источна Европа до светската сцена
Основан во 2017 година од Зоран Илиев (Billy Esteban), Моника Илиева (Monika Ilieva),
и Никола Илиев (Nickarth / Rialians On Earth), Cafe De Anatolia за само неколку години
се издигна во најголемиот и највлијателен Organic House лејбл во светот. Семејството
Илиеви, кое и денес го води брендот, е препознаено од Forbes и Entrepreneur Magazine
како визионери и основачи на новиот глобален музички правец — Organic House, кој
моментално е тренд во светот.
Изјави од партнерите
Дуниа Чаабан, генерален директор на Sony Music Publishing MENA:
„Возбудени сме што го пречекуваме Cafe De Anatolia во семејството на SMP MENA.
Нашата заедничка визија е да градиме културни мостови преку музика и да го поврземе
регионалниот талент со глобалната публика.“
Даниел Нелсон, SVP International, Sony Music Publishing:
„Ова партнерство отвора нови можности во светската музика и совршено се усогласува
со глобалната визија на Sony Music Publishing.“
Никола Илиев, Моника Илиева, Зоран Илиев:
„Ова е историски момент — не само за нас како основачи, туку и за цела Македонија и
Источна Европа. Потпишувањето со Sony Music Publishing ја потврдува нашата
посветеност да ги издигнеме уникатните културни звуци на глобалната сцена и да
инспирираме независни креатори ширум светот.“
Повеќе од музички лејбл — глобално движење
Cafe De Anatolia е повеќе од издавачка куќа. Тоа е културен амбасадор, дефинирач на
жанр и дигитален пионер. Од своите македонски корени, создаде звук што ги
обединува континентите и пренесува човечки приказни преку музика. Од Македонија
до MENA, од Тајмс Сквер до глобалните Spotify топ листи — Cafe De Anatolia
испишува историја.
