Актерот, Брус Вилис, во ретко појавување во јавноста им се заблагодари на пожарникарите кои се вклучени во гаснењето на пожарите во Лос Анџелес.
„Ви благодариме за услугата“. Под објавата, неговата ќерка Талула напиша: „Ова многу ми го исполнува срцето“.
Вилис, во борбата со фронтотемпорална деменција, ја има поддршката од сопругата Ема и поранешната сопруга Деми Мур, со која остана во одлични односи и по разводот. Тој има пет ќерки од двата брака.
Фронтотемпоралната деменција е ретка болест која влијае на однесувањето и говорот. Болеста предизвикува оштетување на фронталниот и темпоралниот лобус на мозокот, што доведува до промени во личноста и однесувањето. Причините за болеста не се познати, но често има генетска компонента.
