Дрогата била пронајдена под контејнери на бродот во пристаништето Лондон Гејтвеј, источно од британскиот главен град, а властите наведуваат дека операцијата е извршена врз основа на разузнавачки податоци.
Британското Министерство за внатрешни работи соопшти дека ова е шестата по големина заплена на кокаин досега регистрирана во земјата.
Директорот на британските поморски гранични сили, Чарли Исто, изјави дека заплената е „само еден пример како посветените поморски службеници на Граничните сили остануваат чекор пред криминалните банди кои ја загрозуваат безбедноста на Британците“.
„Нашата порака до овие криминалци е јасна: Повеќе од кога било досега, користиме разузнавачки податоци и меѓународна соработка во спроведувањето на законот за да ги нарушиме и демонтираме вашите операции“, рече тој.
Британија е еден од најголемите европски пазари за кокаин, според Националната агенција за борба против криминалот, а владата тврди дека смртните случаи поврзани со кокаин во Англија и Велс пораснале за 31 отсто помеѓу 2022 и 2023 година.
