Туристи што присуствувале на концерти или музички фестивали во Велика Британија потрошиле рекордни 10 милијарди фунти (11,7 милијарди евра) во 2024 година, додека во 2023 година биле потрошени 8 милијарди фунти.
Студија објавена денес од индустриската асоцијација „UK Music“ вели дека минатата година, од вкупно 10 милијарди фунти, нешто повеќе од половина (5,1 милијарди фунти) биле потрошени за билети, храна, превоз или сместување, а остатокот биле индиректни трошоци – безбедност, добавувачи и друго.
Тој сектор се снајде добро првенствено благодарение на концертите на Тејлор Свифт, Брус Спрингстин, Ду Липа, Оливија Родриго и Чарли Екс-Си-Екс.
Музичарите помогнале да се привлечат 23,5 милиони туристи, претежно Британци, во споредба со 19,2 милиони претходната година.
Се очекува со фестивалот во Гластонбери, како и турнејата на „Оејзис“, која започнува во Кардиф во петок, да продолжи со трендот на зголемување на посетеноста и приходите оваа година.
Сепак, „UK Music“ ги наведува зголемените трошоци за турнеи и кризата во куповната моќ на граѓаните како проблеми за британската музичка индустрија што го загрозуваат нејзиниот глобален статус.
