Денес се одбележува Денот на независноста на Босна и Херцеговина, 33 години откако граѓаните мнозински одлучија дека оваа држава ќе се издвоји од Југославија и ќе прогласи независност. На референдумот одржан на 29 февруари и 1 март 1992 година, повеќе од два милиона гласачи, со излезност од 63,7%, во огромно мнозинство гласаа за независност.
Референдумското прашање беше: „Дали сте за суверена и независна Босна и Херцеговина, држава на рамноправни граѓани, народи на БиХ – муслимани, Срби, Хрвати и припадници на други народи кои живеат во неа?“
По прогласувањето на независноста, Босна и Херцеговина ја признаа многу земји, а државата брзо стана полноправна членка на Обединетите нации (ОН), како и на други меѓународни организации.
Веднаш по одржувањето на референдумот, на Босна и Херцеговина влезе во голем граѓанска војна. Српската демократска странка ги повика граѓаните од српска националност да го бојкотираат референдумот.
Агресијата траеше скоро четири години, а беше решена со Дејтонскиот мировен договор, кој предвидуваше крај на војната и воспоставување на два ентитети во рамките на државата. Иако со текот на годините државниот парламент пренесуваше некои надлежности на државно ниво, во ентитетот Република Српска, дури и 33 години подоцна, институциите не го слават и не го одбележуваат овој ден.
