Според податоци од германските здравствени фондови, просечното боледување по вработен се движи меѓу 19 и 25 дена годишно, што за работодавачите претставува голем трошок. Само во 2023 година, платите исплатени за време на боледување изнесувале речиси 77 милијарди евра.
Затоа, некои компании нудат следниве бонуси:
- KVG (јавен превоз во Кил): до 250 евра по квартал за вработен без боледување.
- I-SEC (аеродром Франкфурт): 2,5 евра дневен бонус за присуство.
- Hochbahn Хамбург: 615 евра на секои шест месеци, под одредени услови.
- Zurheide Feine Kost: бонус + дополнителен платен годишен одмор.
- Mercedes порано имаше ваква пракса, но ја укина во 2019 година без образложение.
Сепак, не сите се согласуваат со оваа практика. Некои експерти предупредуваат дека ваквите бонуси можат да ги поттикнат вработените да доаѓаат болни на работа, што може да им наштети и ним и на колегите. Наместо тоа, препорачуваат компаниите да се фокусираат на здравјето и закрепнувањето на вработените.
