Од 17:50 часот преминот е блокиран за сите видови возила, информира Автомото сојузот на Македонија.
И покрај застојот на грчката страна, од АМСМ соопштуваат дека на македонските гранични премини нема подолги задржувања и дека движењето кон и од државата се одвива нормално. Сообраќајот на државните патишта протекува без пречки, по суви коловози, а интензитетот надвор од градските средини е умерен.
Блокадата на Евзони е дел од пошироките протести на грчките земјоделци, кои и изминатите денови предизвикуваа повремени прекини на овој стратешки важен премин. Ситуацијата останува променлива, а возачите се советуваат да ја следат состојбата и да планираат алтернативни правци доколку патуваат кон Грција.
Извор: Плус инфо
