По студениот бран со ниски утрински температури, од утре во Македонија се очекува благо затоплување, со повеќе сончеви периоди и стабилни временски услови.
Утре времето ќе биде сончево со мала до умерена облачност. Ќе дува слаб до умерен ветер од западен и северозападен правец. Во Скопје се очекува сончево време со умерена облачност, а ветерот ќе биде слаб и променлив.
Во четврток утринските температури ќе се движат од -8 до -2 степени, додека дневните ќе достигнат од 3 до 10 степени. Времето ќе биде претежно сончево со мала до умерена облачност, проследено со слаб северозападен ветер.
Петок носи слична временска слика. Минималните температури ќе се движат од -7 до -1 степен, а максималните од 2 до 10 степени. Денот ќе биде сончев и тивок, со мала до умерена облачност.
Метеоролозите најавуваат стабилно време и постепено ублажување на зимскиот студ, што ќе придонесе за попријатни дневни услови, особено во попладневните часови.
