Bизуелната асоцијација на гоблените е мотив за годинешниот плакат на ,,Манаки”

Организаторите на Фестивалот ,, Браќа Манаки” го објавија постерот на 45. издание, чии автори се долгогодишните партнери, поддржувачи и пријатели – агенцијата McCann Скопје.

,,Преку визуелната асоцијација на гоблените од времето на нашите баби и преку слоганот ЕДЕН Е МАНАКИ, креативците од агенцијата McCann Скопје на духовит начин нè потсетија на времето кога се роди фестивалот (1979) и на непобитниот факт дека „Манаки“ е и ќе остане прв и најстар филмски фестивал во светот посветен на уметноста на кинематограферите” велат од Манаки.