Бил Гејтс истакна дека ВИ ќе игра клучна улога во забрзувањето на напредокот во здравството и образованието, но и предупреди на потребата од внимателно управување со технолошките промени за да се избегнат негативните влијанија врз работната сила.
Бил Гејтс, милијардер и филантроп, предвидува дека напредокот на вештачката интелигенција во наредните десет години ќе ги направи луѓето непотребни за поголемиот дел од работните места. За време на гостувањето на „The Tonight Show“ со Џими Фелон, Гејтс објасни дека ВИ ќе ги направи високо стручните услуги, како што се медицинските совети и образованието, достапни за сите, без потреба од човечки експерти.
„Со ВИ, одлични медицински совети и образование ќе станат секојдневие“, рече Гејтс, нагласувајќи дека влегуваме во ера на „бесплатна интелигенција“, која ќе го промени скоро секој аспект од животот. Тој предвиде дека ВИ ќе донесе револуција во технологиите кои ќе станат пристапни и ќе влијаат на глобалните предизвици, како што се лекување на смртоносни болести и борба против климатските промени.
Меѓутоа, Гејтс не ја криеше својата загриженост за брзината на развојот на ВИ. „Тоа е малку застрашувачки“, рече тој, додавајќи дека технологијата се развива многу брзо, а напредокот нема јасни граници. Иако гледа големи придобивки, како напредок во медицината и образованието, предупредува дека некои професии, како што е спортот, ќе останат резервирани за луѓето.
Дискусиите за тоа како АИ ќе влијае на работната сила сѐ уште траат. Некои, како Мустафа Сулејман, извршен директор на Microsoft AI, сметаат дека АИ ќе има „огромен дестабилизирачки“ ефект на пазарот на труд, додека други веруваат дека ќе им помогне на луѓето да станат покреативни и да создадат нови економски можности.
Меѓутоа, Гејтс смета дека АИ ќе придонесе за нови бизнис можности и решавање на глобалните проблеми. Тој верува дека технологијата ќе донесе „револуционарни третмани за смртоносни болести и иновативни решенија за климатските промени“, како и квалитетно образование за сите. Иако е оптимист, смета дека некои професии, како што се уметноста или спортот, ќе останат исклучиво за луѓето.
Развојот на вештачката интелигенција носи и предизвици. Гејтс призна дека денешните ВИ системи не се совршени и имаат недостатоци, како што се ширењето на дезинформации и грешки во анализата на податоци. Меѓутоа, сѐ уште верува дека потенцијалот на оваа технологија е огромен.
„Денес некој може да собере милијарди долари за покречување на АИ стартап со само неколку основни идеи“, рече Гејтс, додавајќи дека младите луѓе имаат фантастична можност да се вклучат во развојот на оваа технологија.
Гејтс го препозна потенцијалот на АИ уште во 2017. година, кога истакна „длабока прекретница“ во развојот на технологијата, а денес, со напредок како ChatGPT, е јасно дека неговиот увид бил точен. Тој верува дека влијанието на АИ на светот е само на почеток и дека овие технологии ќе ја обликуваат иднината.
