Коосновачот на Мајкрософт и милијардер Бил Гејтс некогаш најмногу се плашеше од нуклеарна војна, но сега неговите стравови се проширија.
,,Знаете, има околу четири или пет работи кои се многу страшни, а единствената што навистина ја разбирав и навистина се грижев кога бев млад беше нуклеарната војна”, рече Гејтс во интервјуто со Патрик Колисон, кое беше објавено на YouTube.
Основачот на Мајкрософт и претседателот на фондацијата Гејтс сега опишаа нови, модерни закани.
,,Денес мислам дека би додале климатски промени, биотероризам/пандемии и задржување на контролата врз вештачката интелигенција во некоја форма, рече Гејтс”. Тој, исто така, предупреди на социјална поларизација, тврдејќи дека помладата генерација мора многу да се плаши од овие работи.
И покрај неговата загриженост за вештачката интелигенција, Гејтс ја смета за корисна.
,,Ако решиме некои од овие големи проблеми, работите ќе бидат многу подобри. Алцхајмерова болест, дебелина, ќе имаме лек за ХИВ, ќе се ослободиме од полио, сипаници, маларија. Брзината на иновациите денес е поголема од кога било”, вели Гејтс и додава дека верува дека помладите генерации ќе ги преземат неопходните мерки.
