Ако вашиот одговор е „да“, тогаш веројатно сте дел од се поголемиот број авантуристи кои бараат автентични искуства, возбуда и патување без однапред позната дестинација.
Феноменот на таканаречените мистериозни летови (Destination Unknown Flights) се повеќе го освојува светот, а Scandinavian Airlines (SAS) распродаде едно такво патување за само четири минути.
„Патувањето е за откривање, а „непозната дестинација“ е дизајнирана повторно да ја разгори возбудата од истражување на нови и неочекувани места. Има нешто магично во тоа да се качите во авион без да знаете каде ќе слетате“, изјави Арон Бакстром, потпретседател за производ и лојалност во SAS.
Овој концепт за прв пат беше претставен во 2024 година, кога целиот авион беше исполнет со членови на програмата EuroBonus кои полетаа за Атина без никакви информации. Реакциите на патниците беа ентузијастички: 96% од учесниците рекоа дека ќе го повторат искуството.
Оваа година летот тргна од Копенхаген, а дестинацијата беше Севиља. Во текот на трите дена (4-7 април), патниците беа целосно потонати во изненадување – никој не го знаеше ниту градот, ниту хотелот каде што ќе престојуваат. Тие можеа да ја одберат само категоријата за сместување, но без конкретни информации за локацијата.
Зошто луѓето сè повеќе избираат мистериозни патувања?
Овој вид на патување станува се попопуларен меѓу Европејците и ширум светот. Луѓето се уморни од планирање – истражување на илјадници опции, прегледи и хотели. Просечниот патник прегледува дури 141 локација пред да одлучи каде да оди на одмор. Наместо слобода, тие се соочуваат со конфузија.
Сега се врати она што е во срцето на патувањето – изненадување, спонтаност и чувство за авантура.
Еден пример доаѓа од компанијата Wizz Air, која годинава избра 35 патници и ги однесе на „животно патување“. Дестинацијата беше Анталија, Турција, а целиот настан брзо стана вирален на мрежите.
Се повеќе понуди во Европа
Компаниите низ Европа го прифаќаат овој тренд.
Lufthansa Surprise им овозможува на патниците од Минхен и Франкфурт да изберат мистериозен лет според нивниот стил на патување.
Opodo нуди евтини пакети „лет + хотел“ до непознати дестинации.
Луксузната агенција Black Tomato има ексклузивна понуда Get Lost, која ги носи патниците во оддалечените делови на светот.
Платформата srprs.me нуди мистериозни градови во Европа (3 до 5 дена, цена од околу 240 фунти, поаѓање од Британија).
Journee од Лондон овозможува индивидуални патувања со персонализација – корисниците пополнуваат прашалник и исклучуваат места или искуства што не ги сакаат. Тимот потоа го организира летот, хотелот и активностите.
Комбинација на непознатото и заедништвото
„На првото патување до ‘Desination Unknown’ особено нè трогна фактот што потполни непознати луѓе многу брзо почнаа да се поврзуваат. Кога ќе ги отстраните сите очекувања и ќе споделите вакво искуство, се појавува силно чувство на заедница – вели Бакстром од САС“, пишува b92.net
Како да се подготвите за мистериозно патување?
Компаниите генерално обезбедуваат основни упатства – како што се временските услови на дестинацијата – но не ја откриваат локацијата. Затоа се препорачува да се спакувате како за класично четиридневно патување:
-слојна облека,
-удобни панталони,
-јакна и удобни чевли.
Сè друго ќе биде дел од вашата авантура.
