Околу илјада демонстранти се собраа на улиците на Антананариво, повикувајќи на оставка на претседателот, по десет дена протести на овој сиромашен остров во Индијскиот Океан. Главниот штаб кој ја координира армиската, полициската и жандармериската служба истакна дека дел од присутните не ги почитувале упатствата на безбедносните сили.
„Некои лица извршиле насилни дејствија и не ги почитувале упатствата на безбедносните сили“, соопштија од штабот, додавајќи дека мерките на терен се прилагодуваат според однесувањето на демонстрантите.
За време на протестот, безбедносните сили употребиле солзавец за да го прекинат собирот, откако демонстрантите се обиделе да пристапат до „Плоштадот на демократијата“, место познато по собири од 2009 година кои довеле до смена на тогашниот претседател Марк Раваломанана.
Движењето „Генерација З“, кое ја организираше протестната акција и ја прошири својата агенда надвор од почетното незадоволство поради прекини на вода и струја, сè уште не објавило нов повик за протести за понеделник, што се очекува да го направи вечерва.
Извор: N1info.rs
