Протестот е одговор на, како што велат, „бруталноста на полицијата врз студентите, професорите и граѓаните“ за време на претходните денови.
Во објавата на нивниот официјален профил стои:
„Сите на улица. Београд утре застанува. Повикуваме на тотална блокада на Београд во 7 часот поради полициската бруталност. Ова е јавен повик до граѓаните, бајкерите, ветераните, таксистите, земјоделците.“
Покрај главниот град, студентите најавија и целосна блокада на Нови Сад, со почеток во 6:00 часот наутро.
Протестите, кои веќе неколку дена траат во различни делови на Србија, добиваат сè поширока поддршка, а движењето се проширува со вклучување на различни општествени групи. Студентите порачаа дека нема да запрат додека институциите не сносат одговорност за употребата на сила врз мирни демонстранти.
