Белгиското радио „Носталија“ објави дека од следната недела ќе имаат водителка со глас генериран од вештачка интелигенција.
Компанијата Ен група, вели дека ова е прв проект од ваков вид во Европа. Водителката „Mamie l’IA’ (ВИ баба) редовно ќе учествува во попладневната програма од 16 до 20 часот.
„Снимавме гласови на две баби и ги помешавме со гласовите од базата на податоци. Покрај тоа, имаме и содржина од ChatGPT“ вели Жулијен Струбои, еден од водителите.
„Во тек се технолошки револуции. Носталгија одлучи да ги прифати овие промени и да ги интегрира во својата програма“ вели менаџерот на радиото Жан-Франсоа Потје.
