Дури 61% од Белгијците велат дека потеклото на производите им е важно, а осум од десет изјавиле дека сè почесто купуваат домашни производи.
Меѓу 33% и 45% од испитаниците активно избегнуваат производи од наведените земји, при што возрасните над 55 години најчесто ги избегнуваат руските и кинеските производи. Помладите генерации покажуваат помала тенденција за бојкот.
Повеќе од една третина од Белгијците кои избегнуваат американски производи велат дека тоа им е лесно, а речиси три четвртини се убедени дека можат да живеат без нив.
Како причини за бојкотот на американски производи се наведуваат:
- трговските царини,
- повлекувањето на САД од еколошки прашања,
- недовербата во еколошките стандарди кај одредени американски брендови.
Иако технолошките компании како Google и Microsoft остануваат тешко заменливи, Tesla веќе бележи голем пад во продажбата, а брендови како Burger King, Starbucks и McDonald’s ја губат својата популарност.
Истражувањето е спроведено во април на примерок од 1.000 возрасни Белгијци.
