Главниот и најголем град на државата Пара на северот на Бразил догодина ќе биде домаќин на Самитот за климатски промени на Обединетите Нации – „COP30“.
Но, кога десетици илјади учесници ќе пристигнат во градот домаќин, нема да најдат идилична прашума, бујна вегетација или чисти реки. Во Белем повеќето од 2,5 милиони жители живеат во сиромашни квартови.
Белем се бори да се подготви да биде домаќин на COP30. Владата се обидува да се подготви преку повеќе од 30 инфраструктурни проекти. Еден од најголемите е Parque da Cidade, или Градски парк, кој се протега на 500.000 квадратни метри на врвот на поранешниот аеродром. Во него ќе бидат сместени музеј, ресторани и патеки за пешачење и велосипедизам. Откако ќе послужи како место за „COP30“, ќе стане зелен простор за користење на локалното население.
Сепак, поради недостиг на хотели, дел од гостите ќе мора да спијат на бродови за крстарење во кои ќе можат да се сместат до 5.000 луѓе. Бразилската владата проценува дека 50.000 луѓе ќе присуствуваат на COP30, вклучително и до 150 шефови на држави.
