Во петок, на 15 ноември, како дел од четиридневниот настан, аукциската куќа Propstore на заинтересираните купувачи ќе им понуди повеќе од 350 ретки и уникатни музички сувенири кои некогаш им припаѓале на мегаѕвездите, вклучувајќи ги нивните инструменти, рачно напишани текстови, автограми, како и филмски и ТВ сувенири и костими.
Меѓу најинтересните ставки се главните снимки од четири необјавени демо аудио изведби на Џими Хендрикс, складирани во кутија на која музичарот ги напишал нивните имиња.
Помеѓу предметите кои ќе одат на продажба е и врамен текст на„Beat It“, рачно напишана од Мајкл Џексон, како и некои од неговите јакни. Црната и златната јакна во воен стил би можеле да достигнат цена помеѓу 200.000 и 400.000 фунти, според проценките, а тука е и неговата црвена јакна за проба од турнејата „Thriller“.
На јакната има голем број потписи, вклучително и на Мајкл. Од внатрешната страна, на задната корица, Џон Лендис, кој го режираше видеото за „Трилер“, и потписот на неговата сопруга Дебора Лендис, која ја дизајнираше јакната.
На аукцијата ќе бидат опфатени и 15 гитари кои претходно биле во сопственост и свирени од Ноел Галагер, во, како што вели Propstore, најголемата колекција на гитари на Oasis досега понудена на аукција. Меѓу нив е и гитара Hohner JT60, проценета на 25.000 до 50.000 фунти.
„Гитарите на Oasis на оваа аукција се првенствено на Ноел бидејќи се многу барани од колекционерите. Повторното обединување на членовите на Оазис го подигна интересот на повисоко ниво“, изјави музичкиот експерт Марк Хохман.
Други вредни предмети го вклучуваат појачалото на Ленон Fawn JMI Vok AC15 Twin од 1962 година (100.000-200.000 фунти) и синтисајзерот на Принс што го користел музичарот за време на снимањето на „Purple Rain“ (50.000-100.000 фунти).
Брошурата „Животот со Битлси“, потпишана од Сер Пол Макартни, Ленон, Џорџ Харисон и Сер Ринго Стар, би можела да достигне цена од 10.000 до 20.000 фунти.
