Шансите за удар на новооткриениот астероид 2024 YR4 беа високи до 3 проценти и беа на врвот на светските листи со ризик од астероиди. Европската вселенска агенција оттогаш ги намали шансите на 0,001 отсто.
Американската вселенска агенција НАСА го намали ризикот на 0,0017 %, што значи дека астероидот безбедно ќе ја помине Земјата во 2032 година и нема закана од удар за следниот век.
Пол Чодас, кој го предводи Центарот на НАСА за проучување на објекти блиску до Земјата, за Асошиетед прес изјави дека нема веројатност да се зголемат шансите во овој момент и дека евентуалниот удар во 2032 година е исклучен.
„Тоа е исходот што го очекувавме цело време, иако не можевме да бидеме 100% сигурни дека тоа ќе се случи“, рече тој.
Сè уште има 1,7 % шанси астероидот да удри во Месечината на 22 декември 2032 година, соопшти НАСА, но Чодас очекува дека ќе се намали веројатноста и за овој удар.
Светските телескопи ќе продолжат да го следат астероидот додека се оддалечува од нас, а вселенскиот телескоп Веб ќе зумира следниот месец за прецизно да ја одреди неговата големина. Се очекува да исчезне од видикот за уште еден месец или два.
Астероидот беше откриен во декември и е проценет со широчина од 40 до 90 метри и се движи по еден час на секои четири години.
„Иако овој астероид повеќе не претставува значителна опасност од удар на Земјата, 2024 YR4 даде непроценлива можност“ за проучување, се вели во соопштението на НАСА.
