Синоќа во Кграгуевац започна четиринаесеттиот „Арсенал фест“, кој традиционално се одржува на крајот на јуни. На првата вечер од фестивалот, синоќа настапија Asian Dub Foundation, Партибрејкерс, Догстар и Бркови.
Најголема ѕвезда на отворањето беше басистот на бендот Догстар, холивудската ѕвезда Кијану Ривс. Ривс е еден од основачите на бендот кој постои од 1991 година.
Организаторите за српските медиуми изјавија дека иако Кијану Ривс е една од најголемите ѕвезди, сепак нивната листа со побарувања била релативно скромна, бидејќи побарале само чиста соба, безалкохолно пиво и ладно саке.
На вториот ден од фестивалот, денес на главната сцена ќе настапат Nouvelle Vague, Бијело Дугме, Коби и Лил Памп, додека фестивалот ќе се затвори утре со Здравко Чолиќ, кој ќе настапи со симфониски оркестар, а по него следуваат настапи на Palaye Royale, Silvert Hoyem и Гоблини.
Покрај главната сцена, на фестивалот има уште две други сцени, Garden и Explosive DJ stage, каде што настапуваат имиња како Кени није мртав, Ничим изазван, Свемирко, Петар Дундов, Војко В, Ритам нереда, Мортал Комбат, Кристијан Молнар, Лету Штуке и многу други.
