Бројот на градови и места каде што се одржале некои форми на протестни акции „Застани Србијо“ барем еднаш, пораснал до овој момент на најмалку 103, извести утрово Архива на јавни собири.
Протестно-комеморативната акција „Застани, Србијо“ беше организирана ширум Србија по прв пат во петок, 22 ноември 2024 година, на повик на ПроГлас и опозициските партии, потсетува Архива на јавни собири.
Акцијата вклучуваше 15 минути молчење на јавни места за жртвите од падот на надстрешницата на железничката станица во Нови Сад, со почеток во 11.52, што е моментот на падот на надстрешницата.
Во многу градови акцијата вклучуваше и блокада на сообраќајот. Во поголемиот дел од градовите акцијата беше одржана само на едно место, но во поголемите градови и на повеќе од едно место, а некаде и на двоцифрен број локации. Во тој прв петок бројот на учесници на поединечен пункт варираше од околу 1.100 (на Студентскиот плоштад во Белград) до само една личност (во Прокупље).
Оваа децентрализирана акција потоа продолжи секој петок, додека се менуваше концепцијата и организаторите, како и бројот на градови и пунктови, структурата и бројот на учесниците.
Сè поголема улога преземаат младите – студенти, па дури и средношколци – додека како уште една форма на дејствување се појавува блокадата на високошколските институции и училишта.
Со напомена дека не се достапни снимки од сите локации каде што се одржала акцијата, а дека е невозможно да се утврди точниот број на тие локации, тука го презентираме списокот на градови за кои успеавме да најдеме материјал на медиумски портали и на социјалните мрежи кој потврдува дека акцијата била одржана.
„Првиот петок, 22 ноември, најдовме материјал од 50 градови. Следниот петок (29 ноември) стигнавме до материјал од 38 градови, додека за 6 декември најдовме материјал од 34 града,“ соопштија од Архивата.
За сите тие три петока обезбедивме материјал кој потврдува дека оваа акција била одржана во вкупно 58 различни градови и населби: некаде била одржана само еднаш, некаде двапати, а некаде и во сите три петока.
„По 6 декември блокадите стануваат секојдневни и многу е тешко да се следат сите пунктови на кои се организираат, а им се приклучуваат и бројни средни, па и основни училишта, во кои учениците организираат училишни блокади, а наставниците ја прекинуваат работата,“ објави Архивата.
