Kомпанијата од Тексас Fintiv поднесе тужба во Атланта против корпорацијата Apple поради наводна кражба на патенти и деловни тајни поврзани со мобилен паричник, кој послужил како основа за услугата Apple Pay вредна милијарди долари.
Во тужбата се тврди дека Apple, во периодот од 2011 до 2012 година, под изговор на партнерство со претходникот на Fintiv – компанијата CorFire, стекнал доверливи информации за нивната технологија и подоцна ги злоупотребил.
Дополнително, се наведува дека Apple привлекол клучни вработени од компанијата CorFire, и дека технологии како NFC (комуникација во близина) и безбедносни елементи, кои се користат во Apple Pay, се базирани на иновации развиени од Fintiv.
Извор: tanjug.rs
