По долго чекање, Apple се подготвува да го заземе своето место на пазарот на преклопни уреди. Сепак, тоа нема да се случи оваа година.
Аналитичарот Џеф Пу тврди дека има информации дека Apple ќе започне со масовнo производство на своите преклопни уреди во втората половина на 2026 година.
Apple е познат по поставувањето на стандарди во индустријата, а влегувањето во сегментот на преклопни уреди би можело да значи нова ера за мобилните и компјутерските технологии, иако заостануваат во однос на конкуренцијата. Затоа, многумина очекуваат дека Apple ќе направи нешто сосема различно.
Со два различни модели во развој, како што се најавува, еден кој би можел да конкурира на Samsung Galaxy Z Fold серијата и друг, поголем уред кој би можел да биде хибрид помеѓу MacBook и iPad, Apple би можел да понуди сосема нов кориснички доживување.
Најновите информации тврдат дека Apple развива преклопен iPhone со екран од 7,8 инчи и поголем уред со екран од 18,8 инчи, кој би можел да биде првиот MacBook со преклопен екран и поддршка за допир. Ова би значело дека корисниците наскоро ќе можат да уживаат во поголема флексибилност и мултифункционалност на своите уреди.
Првиот Mac уред со тачскрин Ако овие вести се точни, тоа би значело дека поголемиот преклопен уред ќе користи macOS, што ќе го направи првиот Mac компјутер со екран на допир. Овие спекулации добиваат на тежина со оглед на извештаите за предстоящите промени во iOS 19 и macOS 16, кои можат да овозможат вакви иновации.
Иако Apple сè уште не ги потврдил овие информации, се повеќе гласини укажуваат на тоа дека се подготвува нешто големо, и тоа за првата половина на следната година.
