Ставете плиток сад со вода во сенка!
Секое утро или навечер наполнете плиток, стабилен сад – пожелно керамички или метален – со свежа вода и поставете го на балкон, двор или во близина на зелена површина. Овие мали оази се спас за градските и селските птици кои немаат каде да ја изгасат жедта. Важно е садот да биде плиток, да се менува водата редовно и да биде поставен на безбедно место – далеку од мачки или други предатори.
Бидете креативни и инспирирајте други!
Ако немате соодветен сад – импровизирајте! Капак од пластичен сад, стара чинија, или дури вдлабнатина од стара плочка може да послужи. Фотографирајте го вашето решение и споделете го со нас на социјалните мрежи, за да ја прошириме иницијативата и инспирираме што повеќе луѓе.
Ова е мал чекор за човекот, но голема поддршка за животот околу нас.
Сите ние можеме да бидеме дел од решението – да создадеме градови и села кои се пријателски настроени кон живиот свет. Да покажеме дека грижата за природата не зависи од системски мерки, туку од човечка емпатија и свест.
