Според резултатите од најновата анкета што ги објави Њујорк Тајмс, Камала Харис е во предност пред Доналд Трамп во три клучни држави, што сигнализира драматичен пресврт на три месеци до изборите.
Потпретседателката Харис води пред поранешниот претседател Трамп со четири процентни поени во Висконсин, Пенсилванија и Мичиген, 50% до 46%, меѓу речиси 2.000 веројатни гласачи во трите држави.
Анкетата е спроведена помеѓу 5 и 9 август, а објавена е во неделата кога Харис го именуваше Тим Волц, гувернер на Минесота и поранешен учител во средно училиште, за нејзин кандидат за потпретседател на САД.
Овие резултати се досега најјасна индикација за расположението на гласачите во трите клучни држави откако Џо Бајден се повлече од трката и ја поддржа Камала Харис да го замени во претседателската трка и доаѓаат по претходните анкети кои покажуваа дека Бајден или е изедначен или малку зад Трамп.
Според анкетираните регистрирани гласачи, Камала Харис се смета за поинтелигентна, поискрена и попогодна да управува со земјата од Трамп.
Преземено: Рацин.мк
