Анализата, претставена на членовите на Конгресот овој месец, покажува дека агенциите не гледаат никакви знаци дека Русија е подготвена за компромис, иако претседателот Доналд Трамп се обидува да посредува во мировни преговори.
Проценката е во согласност со ставот што САД и западните разузнавачки служби го имаат уште од февруари 2022 година, кога Путин нареди неиспровоцирана инвазија врз Украина. Сепак, според високите претставници, Путин е решен да ја продолжи војната и покрај огромните човечки загуби и економски последици дома.
Извештајот наведува дека рускиот лидер останува посветен на освојување украински територии за да го оправда високото ниво на воени и финансиски жртви.
Како знак на растечка фрустрација, претседателот Трамп минатата недела го откажа планираниот состанок со Путин во Будимпешта и за првпат од враќањето на функцијата во јануари воведе санкции против Москва, насочени кон две големи руски нафтени компании.
„Само почувствував дека е време,“ изјави Трамп, опишувајќи ги санкциите како „огромни“ и додавајќи дека „долго чекал“ да ги воведе, но се надева дека „нема долго да траат“.
Белата куќа одби да ја коментира разузнавачката проценка, но во соопштение наведе дека санкциите се дел од напорите да се стави крај на војната. „Претседателот јасно кажа дека е време да престане убивањето и да се постигне договор за мир. Трајниот мир зависи од подготвеноста на Русија да преговара со добра волја,“ стои во изјавата.
Според американските извори, САД ќе продолжат да се залагаат за дипломатско решение на конфликтот, иако во моментов нема индикации дека Кремљ е подготвен да го промени својот став.
Извор: NBCnews
