Специјални единици на американската морнарица се качија на нафтен танкер во Индијскиот океан, по следење на целиот пат од Карибите. Танкерот Veronica III, кој пловел под панамско знаме, бил под сомнение дека помага на Венецуела да заобиколи американски санкции. Ова е втора ваква американска акција во Индијскиот океан во последната недела, во време на засилен американски притисок врз извозот на нафта од Венецуела.
Претставници на Пентагон: „Меѓународните води не се засолниште“
Во соопштението објавено во неделата, Пентагон ја опиша операцијата како „воспоставување право на посета, поморско пресретнување и качување на брод“. Не е јасно дали танкерот е запленет или му е дозволено да продолжи со пловидбата.
„Бродот се обиде да ја заобиколи карантинската наредба на претседателот Трамп, надевајќи се дека ќе се извлече. Ние го следевме од Карибите до Индијскиот океан, го стигнавме и застанавме. Ниту една друга нација нема таков досег, издржливост и волја. Меѓународните води не се засолниште. На копно, во воздух или на море – ќе ве најдеме и ќе ве приведеме правдата“, се наведува во соопштението
Танкерот Veronica III под американски санкции
Танкерот веќе е под санкции на Министерството за финансии на САД. Според податоците на групата TankerTrackers.com, тој испловил од Венецуела на 3 јануари, ист ден кога американските сили спровеле рација во резиденцијата на претседателот Николас Мадуро. Во моментот на испловување, танкерот превезувал 1,9 милиони барели сурова нафта, а се смета дека од 2023 година бил вклучен и во транспорт на руска, иранска и венецуелска нафта
Засилен американски притисок врз Венецуела
Од минатата година, САД заплениле најмалку седум танкери како дел од напорите на администрацијата на Трамп да ја контролира снабденоста со венецуелска нафта. Американската блокада драстично го намали извозот на нафта од Венецуела, а нормално работат само бродови поврзани со компанијата Chevron кои пловат кон САД
Извор: BBC / Pentagon
