Американецот Тим Кинг од државата Илиноис додека ја реновирал куќата, пронашол подарок што му бил наменет за Божиќ пред 46 години, пренесуваат денес американските медиуми.
Подарокот се наоѓал зад преграден ѕид во бањата и бил завиткан во хартија со ликови од Дизни, пишува весникот Њујорк Пост.
Кинг објавил видео за необичното откритие на подароците кои ги открил неколку дена пред овој Божиќ, додека им помагал на родителите при реновирањето на куќата.
Видеото објавено на Инстаграм на 27 декември добило 37.000 лајкови, а на него се гледа како Кинг, кој сега има 53 години, го развива подароците – комплет авиони-играчки произведени во 70-те години на минатиот век.
Кинг раскажал дека верува дека подарокот бил купен во 1978 година кога имал шест години, а дека неговите родители го сокриле на таванот, од каде што завршил зад преградниот ѕид во бањата.
