Корисниците на Gmail се предупредени за големо истекување на податоци, во кој биле компромитирани дури 183 милиони е-поштени сметки и лозинки.
Според информациите, ова не ги вклучува само адресите на е-пошта, туку и лозинките поврзани со нив, што може да им овозможи на хакерите пристап не само до Gmail, туку и до други сметки поврзани со истата адреса — како на пример профили на социјални мрежи, банкарски апликации или онлајн продавници.
Иако инцидентот се случил во април годинава, штотуку бил идентификуван од платформата „Have I Been Pwned“, која следи и објавува податоци за големи хакерски напади.
Според основачот на страницата, Трој Хант, податоците потекнуваат од поширок собран хакерски пакет што кружел на интернет.
Во моментов, веб-страницата има евидентирано 917 компромитирани сајтови и повеќе од 15 милијарди засегнати сметки.
Како да проверите дали вашата сметка е компромитирана
Посетете ја страницата haveibeenpwned.com. Внесете ја вашата Gmail адреса. Доколку вашата сметка е дел од протекот, веднаш преземете мерки: Променете ја лозинката на Gmail (избегнувајте да користите иста лозинка на повеќе места). Активирајте двофакторска автентикација (2FA).
Зошто е важна двофакторската заштита
Двофакторската автентикација додава дополнителен слој безбедност, така што дури и ако хакер ја има вашата лозинка, нема да може да влезе во сметката без вториот код за потврда.
Google користи повеќе методи – од СМС-кодови до известувања на мобилен уред – со цел да спречи неовластен пристап.
Редовно проверувајте ја безбедноста на вашите сметки и не користете иста лозинка на повеќе веб-страници. Интернет безбедноста започнува со вас.
