По феноменалната игра на US Open, шпанскиот тенисер Карлос Алкараз ја освои титулата победувајќи го Јаник Синер со 3:1 во сетови. Со оваа победа младиот Шпанец се врати на првото место на АТП ранг-листата.
„Ова ми е втор трофеј тука, но сè уште е исполнување на сон. Работев напорно за да го освојам. Враќањето на првото место беше една од моите цели за оваа сезона. Фактот што тоа го направив со уште еден грен-слем е уште подобро. За тоа работев цело време,“ изјави Алкараз по финалето.
Со овој резултат Синер падна на втората позиција, откако не успеа да ја одбрани титулата и изгуби 700 поени. На третото место остана Александар Зверев со 5.930 поени.
Најголемиот скок го направи Новак Ѓоковиќ, кој со полуфиналето во Њујорк напредуваше за три места и сега е четврти со 4.830 поени.
Во првата десетка се најдоа и Тејлор Фриц (5. место), Бен Шелтон (6. место), Џек Дрејпер (7. место), како и Алекс де Минор, Лоренцо Музети и Карен Хачанов.
Извор: Euronews
