Со поезијата на Александра Илиева, во вторник, на 14 мај, во малата сала на НУЦК „Трајко Прокопиев“ во Куманово започнува циклусот настани „Во Фокус” организирани од страна на Книжевниот клуб – Куманово.
Илиева е млада поетеса од Гевгелија која во 2021 година ја објави дебитанстската книга со поезија „Оксиморонски луѓе“, поделена на два дела „Приземјена“ и „Отсутна“.
На настанот, покрај Илиева, ќе гостуваат македонски автори кои ќе дискутираат за нивната книжевна дејност, како и за нивните гледишта, критики и ставови на одредени тематики. Разговорите ќе бидат базирани на психолошки, филозофски или културолошки аспект и позиција на човекот како поединец во општествена заедница.
