Александар Џамбазов, роден на 3 февруари 1936 година, беше еден од најзначајните македонски музичари – диригент и композитор чија кариера траеше повеќе децении. Неговата работа како диригент на Оркестарот за танцова и специјална музика при Македонска радио‑телевизија остави длабок белег во развојот на домашната музичка сцена, а неговите композиции и аранжмани ги изведуваа врвни вокални солисти и ансамбли.
Македонскиот актер, музичар и медиумски творец Игор Џамбазов денес ја прослави личната и музичката наследност на својот татко – легендарниот диригент и композитор Александар Џамбазов, кој би наполнил 90 години. По повод оваа значајна годишнина, Игор сподели емотивно видео на својот официјална инстаграм профил на кое во негова чест ја изведува песната „Срамежливи“.
Во видеото, Џамбазов пее мелодија што е дел од музичкото наследство на неговиот татко, песната „Срамежливи“, една од првите поп-песни на македонската музичка сцена, која настапи на фестивалот Скопје ’68 во изведба на Љупка Димитровска и Зафир Хаџиманов. Композицијата е дело на Александар Џамбазов и останува едно од значајните музички остварувања што бележат развој на поп-музиката во земјава. Видеото може да го погледнте на следниот линк.
Маестро Џамбазов почина на 25 јануари 2022 година во Скопје, оставајќи богато музичко наследство и генерации музичари што продолжија да го негуваат неговиот стил и визија. Денешниот настап на Игор, со песната што ја носи таа историја, беше спој на лична сеќавање и јавна почит кон дела што ја обележаа македонската културна историја.
Овој музички момент не е само обичен роденденски поздрав, туку и потсетник на трајната вредност на домашната музичка уметност – онаа што живее низ луѓето што ја создадоа и низ оние што продолжуваат да ја изведуваат и паметат.
