Меѓу албанските граѓани кои од затвор ќе го остварат правото на глас на парламентарните избори на 11 мај, се и поранешен шеф на државата, градоначалници, министри, пратеници.
Градоначалникот на Тирана, Ерион Велиај, ќе гласа во Драч, градот каде што е во затворски притвор, исто како и неговите сопартијци, социјалисти, Илир Беќја, поранешен министер за здравство и Јургис Чирбја, поранешен пратеник.
Од редовите на демократите, Ервин Салијањи, пратеник, ќе гласа во затворот во Фиер, институцијата каде што ја издржува затворската казна.
Поранешниот шеф на државата, Илир Мета, ќе гласа во затворот „313″ во Тирана, каде е во притвор. Тој ќе има можност да гласа за себе, бидејќи е на отворената листа на опозициската изборна коалиција „Алијанса за величествена Албанија” предводена од Демократската партија.
Меѓу оние кои ќе гласаат во затворска просторија се и Лефтер Кока, поранешен министер за животна средина, како и неколку поранешни градоначалници.
Според конечниот избирачки список, на 11-те парламентарни избори по падот на комунистичкиот режим, право на глас имаат 3.713.751 гласачи, од кои 245.808 оние од дијаспората.
