Не беше веднаш јасно дали има други повредени или загинати во експлозијата во Воената академија Џале Сијад, еден од главните центри за обука на воени регрути во Сомалија.
Ал Шабаб, организација која долго време извршува смртоносни напади во Сомалија врз владини и цивилни цели, соопшти дека бомбаш самоубиец таргетирал западна делегација која ги обучувала регрутите.
Засега не е јасно која делегација би можела да биде таму. САД, ЕУ и Турција се меѓу оние кои се вклучени во сомалиската воена обука.
– Бомбашот самоубиец носел самоубиствен елек и бил пресретнат пред да стигне до целта. Се разнел, предизвикувајќи минимални жртви, рече Адан Хасан, еден од регрутите и сведок.
Воената академија последен пат беше цел на напад во јули 2023 година, кога бомбаш самоубиец маскиран во униформа уби најмалку 25 војници и повреди повеќе од 70 други.
Ал Шабаб често напаѓа воени објекти со цел соборување на сомалиската влада и наметнување на својата строга верзија на исламскиот закон. Сомалиската влада во последните месеци ги интензивираше безбедносните операции за да се справи со милитантите.
