Двајца активисти на „Гринпис“ се појавија на сцената на почетокот на глобалниот нуклеарен самит во Франција денеска, прекинувајќи го претседателот Емануел Макрон и шефот на нуклеарниот надзорник на ОН, Рафаел Гроси, додека тие ги поздравуваа шефовите на држави.
Демонстрантите, облечени елегантно во црни костуми и вратоврски, држеа транспаренти со логото на Гринпис и на кои пишуваше „Нуклеарна енергија = енергетска несигурност“ и „Нуклеарната енергија ја поттикнува војната на Русија“.
Еден од нив му извикал на Макрон: „Зошто сè уште купуваме ураниум од Русија?“, на што претседателот одговорил: „Ние сами произведуваме нуклеарна енергија“.
Франција има свој капацитет за збогатување на ураниум, но исто така увезува збогатен ураниум за своите електрани, вклучително и од Русија, според најновите царински податоци објавени од француската влада.
Околу 15 активисти на „Гринпис“ ги блокираа пристигнатите конвои пред местото на одржување на настанот во Булоњ-Бијанкур, на периферијата на Париз, во вторникот, соопшти групата за заштита на животната средина.Франција е домаќин на вториот светски самит за нуклеарна енергија во вторник, каде што светските лидери ќе се состанат за да разговараат и да ја промовираат нуклеарната енергија.
