Серија земјотреси ја погодија централноамериканската држава Ел Салвадор, од кои најсилниот, со јачина од 5,6 степени според Рихтеровата скала, е регистриран синоќа во јужниот дел на земјата, на околу девет километри југозападно од Ла Унион, соопшти Европско-медитеранскиот сеизмолошки центар.
Властите на Ел Салвадор објавија дека ги активирале протоколите за итни случаи поради земјотресот, кој бил почувствуван и во Тегусигалпа, главниот град на соседен Хондурас, како и во источниот дел на Никарагва.
