Англискиот актер Расел Бренд е обвинет за силување, непристоен напад, орално силување и два сексуални напади, јавуваат британските медиуми.
Детективите започнаа истрага во септември 2023 година, откако добија голем број наводи, кои следеа по известувањата на Канал 4 и Сандеј Тајмс, според веб-страницата на лондонската полиција.
Тој е осомничен дека наводно силувал една жена во областа Бурнемут во 1999, 2001, 2004 и 2005 година, непристојно нападнал друга во областа Вестминстер во Лондон, орално силувал трета и сексуално нападнал четврта жена.
Расел Бренд ќе се појави во Вестминстерскиот суд во петок, 2 мај.
Детективот Енди Фурфи, од лондонската метрополитенска полиција, кој ја води истрагата, рече дека жените кои ги дадоа изјавите сè уште се поддржани од специјално обучени полицајци.
Пријавата се однесува од четири жени, соопшти полицијата.
Расел Бренд (50) е наградуван британски комичар, актер, радио водител, Јутјубер и инфлуенсер.
