Градот Лисабон е познат по својата богата култура, неверојатна архитектура, ридест градски пејзаж и храна. Ако некогаш сте ја посетиле португалската престолнина, знаете дека нејзините улици почнуваат да мирисаат на слатка ванила во раните утрински часови додека пекарите подготвуваат разни колачи, вклучувајќи го и познатиот пастел де ната.
Секоја година се одржува натпревар кој има цел да ја промовира глобалната кулинарска култура и да го поттикне гастрономскиот туризам.
Париз, Лондон, Барселона, Виена, Фиренца и Копенхаген беа во трка за оваа престижна кулинарска награда.
Победниците се избираат од кулинарската заедница, експертите од индустријата и потрошувачите во согласност со официјалните правила на организацијата.
„Наградата се доделува за квалитетот на гастрономијата по кој е познат Лисабон. Локалната економија е сè попрепознатлив фактор на Лисабон, а гастрономијата многу придонесува за квалитетот на туризмот“, рече Карлос Моедас, градоначалник на Лисабон на прес-конференција.
Лисабонската кујна е позната по разновидноста и квалитетот на храната
Градот има седумнаесет ресторани со една и две Мишелин ѕвезди, кои се прикажани во туристичките брошури.
Некои од кафулињата и пекарите беа наградени и со признанија доделени од Food and Vine.
Инаку, Лос Анџелес е прогласен за најдобар кулинарски град во САД.
