Додека чекаме багаж на аеродром, често се фаќаме за туѓи куфери, бидејќи сите се многу слични, но постои трик кој ни овозможува да ја избегнеме оваа непријатна ситуација.
Повеќето куфери се црни, сини или сиви. Чекањето багаж на аеродромите е најздодевниот дел од патувањето и понекогаш ве прави нервозни затоа што се плашиме дека нашиот куфер никогаш нема да се појави или дека ќе биде оштетен.
Ако вашиот куфер е црн, тегет или сив, тогаш многу поголема е веројатноста дека ќе треба да бидете особено снаодливи.
Една од најголемите европски авиокомпании „Рајан Ер“ ги предупреди патниците да не носат багаж со тие бои за да се избегне забуна за време на патувањето.
Само во јуни со оваа авиокомпанија летале 19,3 милиони луѓе на 106.000 летови.
„Погрижете се вашиот багаж полесно да се препознае, особено ако е црн, тегет или сив во боја (а тоа е случај во 99,9 проценти од случаите).
Секако, ако го означиме куферот со некој шарен детал, полесно ќе се забележи.
Од друга страна, вработен во аеродромот во Даблин напомена дека постарите налепници треба да се отстранат од торбите за да не се „создаде забуна при скенирањето“ и дека треба да се внимава кога се ставаат шарени ленти.
Ова се малку спротивставени упатства, но едно е јасно – ако сакате да се издвоите од толпата и безгрижно да го чекате багажот по слетувањето на авионот, можеби е најдобро да изберете боја што не е црна, сива или сина.
