Наредното лето се очекува музичкиот бенд Oasis да се обедини и да тргне на турнеја за прв пат од 2009 година. Но, зад сцената, постои загриженост дека браќата Ноел (57) и Лијам Галагер (52) би можеле повторно да се скараат и да ги откажат концертите, пишува The Sun. Поради оваа причина, во договорот е вклучена посебна клаузула.
Планирано е Ноел и Лијам Галагер да ги добијат парите дури по нивните настапи. И двајцата нема да ја добијат ништо од заработката која се очекува да биде околу шест милиони фунти ( 7,2 милиони евра) по концерт, се додека успешно не ги завршат своите настапи.
Планирани се 33 концерти, ова изнесува вкупно околу 237 милиони евра – секако добар поттик да не се караат. Спорот меѓу двајцата би бил многу скап и би имал огромни последици доколку треба да се откажат концертите на Оазис, велат експертите од индустријата за The Sun.
„Сан“ цитираше инсајдерски изјави како што се: „Немаше дилема бидејќи ако договорот пропадне, сите ќе западнат во неволја“ и „Тие треба да настапат за да бидат исплатени“. Овој метод е „едноставен и се надеваме ефикасен начин да се осигураме дека тие можат да се толерираат за време на концертите“.
Жестоката расправија меѓу браќата од Манчестер во 2009 година доведе до распад на британската рок група. Оттогаш многу фанови се надеваат на помирување. На 27 август 2024 година беше најавена големата повторна турнеја „Oasis Live ’25“. Од јули до ноември 2025 година, закажани се концерти во Велика Британија, Ирска, Северна Америка и Австралија. Групата нема да настапи на европскиот континент.
