Нашата внатрешна сила и самодоверба често се засноваат на фразите што си ги повторуваме. Според одредени истражувања, терапевтите и психолозите, сметаат дека овие фрази претставуваат длабоко вкоренети вредности што нашите родители ни ги пренеле преку нашето воспитување. Овие едноставни реченици покажуваат како нашиот внатрешен глас може да го обликува нашиот поглед за себе и за светот. Еве за кои фрази станува збор.
1. „Можам да се справам со предизвиците“
Фразата „Можам да се справам со предизвиците“ ја одразува силната верба во сопствената способност да се соочите со тешки ситуации. Психологот Ник Вињал истакнува дека многу луѓе погрешно веруваат дека мотивацијата е подарок што доаѓа однадвор. Во реалноста, објаснува тој, мотивацијата и акцијата се појавуваат при соочувањето со предизвици, при што не соведува до чувство на задоволство.
Ако често си ја кажуваме оваа фраза, тоа покажува дека сме научиле да се соочуваме со тешкотии, дури и кога мотивацијата е отсутна. Нашите родители можеби нè научија да не чекаме идеални услови, туку да ја градиме сопствената самодоверба чекор по чекор преку акција.
2. „Те ценам“.
Оваа фраза ја одразува емпатијата и способноста да се препознае вредноста на другите. Според истражувањето, презентирано на конференцијата Gratitude and Well-Being at Work предводена од Мајк Робинс, благодарноста не е само за препознавање на резултатите, туку и за нагласување на личната вредност на поединецот. Робинс објаснува дека изразувањето благодарност гради силни меѓучовечки односи и придонесува за чувство на поврзаност.
Ако често ја користиме оваа фраза, нашите родители веројатно не научиле на важноста на емпатијата и благодарноста. Ова не само што ги збогатува нашите односи со другите, туку и ја зајакнува нашата способност да препознаеме добрина и вредност во светот околу нас.
3. „Достојни за љубов“.
Фразата „Достоен за љубов“ го симболизира верувањето во сопствената вредност без оглед на околностите. Според истражувачот Брене Браун, чувството за вредност е клучот за исполнет живот. Браун нагласува дека самољубието не зависи од успехот или од туѓото одобрување, туку прифаќањето на себеси такви какви што сме е основата на сите здрави врски.
Ако често ја повторуваме оваа фраза, тоа покажува дека нашите родители нè научиле на безусловно прифаќање и верување во сопствената вредност. Ова верување ни помага да изградиме подлабоки и поискрени врски бидејќи љубовта кон другите започнува со љубов кон самите себе.
