Го пренесуваме во целост соопштението на Академскиот Пленум со кое се бара оставка од Деканот на Филозофскиот факултет во Нови Сад.
Академскиот пленум го повикува деканот на Филозофскиот факултет во Нови Сад, Миливој Алановиќ, веднаш да поднесе оставка и на тој начин да придонесе кон смирување на напнатата ситуација, која самиот ја генерираше со повикување на полицијата да интервенира на факултетот. Полицијата, од своја страна, повторно докажа дека е во функција на режимот, а не на граѓаните.
Кога во март минатата година група студенти блиски до власта го блокираа Филозофскиот факултет во Нови Сад, полицијата не интервенираше, а сега во интервенцијата поведе десетици свои припадници со полна опрема. Деканот Алановиќ со заклучување на факултетот, со забрана за влез на студентите и на поголем број колеги, заедно со повикување на полицијата – го узурпираше факултетот и согласно тоа треба сам да поднесе оставка.
