На сликата “Madonna della Rosa” која датира од почетокот на 16-тиот век, AI идентификувала дека лицето на свети Јосиф, сместено во горниот лев агол, не е насликано од Рафаел.
Ова откритие е потврда на долгогодишни сомнежи на историчарите на уметноста кои сугерираат дека некои делови од сликата би можеле да бидат дело на друг уметник.
Научниците од Велика Британија и САД развиле прилагоден алгоритам кој анализира карактеристики на Рафаеловите дела, од потези на четка, палета на бои, сенчење и други детали. Овој алгоритам е обучен користејќи автентични Рафаелови слики и има 98% точност при идентификување на стилот на уметникот.
При анализа на поединечни ликови, AI потврдила дека ликот на Мадоната, детето и свети Јован се дело на Рафаел, но за лицето на свети Јосиф откриено е дека не е во неговиот стил. Истражувачите на оваа основа претпоставуваат дека е можно ученикот на Рафаел, Ѓулио Романо, да е автор на ова лице, но тоа не може да се потврди со сигурност.
Иако технологијата открива нови детали, истражувачите нагласуваат дека AI ќе ги поддржи, а не ќе ги замени стручните уметнички експерти. Ова истражување е објавено во научниот часопис Heritage Science и претставува пример како современата технологија може да открие нови тајни на класичните уметнички дела.
Извор:Index.hr
