Податоците на водечките светски хотелски групации, туристички агенции и аналитичари на трендови укажуваат дека 2026 година ќе биде година на „тивки бегства“, патувања креирани од алгоритми, ултра персонализирани одмори и враќање кон побавни, индивидуални искуства.
Сè поголем број патници веќе користат генеративна вештачка интелигенција (GenAI) за планирање и резервација на патувања – од избор на дестинација до детално креирани дневни распореди.
AI агентите стануваат нови туристички асистенти
Генеративната вештачка интелигенција брзо го освојува светот, а туристичката индустрија не е исклучок. Големите глобални платформи како Booking.com, Expedia, Priceline и Tripadvisor веќе лансираа сопствени AI-планери за патувања.
Овие алатки овозможуваат автоматско креирање персонализирани итинерери,предлог-сместување според навики и буџет, оптимизација на маршрути, предвидување гужви и цени, динамични препораки во реално време.
Плимниот бран на GenAI во туризмот изгледа незапирлив, особено поради потенцијалот технологијата да влијае врз целото патничко искуство – од инспирација до враќање дома.
2026: Година на „тивки бегства“ и паметни маршрути
Според анализите, патниците сè повеќе бараат помалку масовни дестинации, поавтентични локални искуства, персонализирани препораки и „slow travel“ концепт
AI системите можат да ги анализираат индивидуалните преференци, претходни патувања, интереси и буџет, а потоа да создадат уникатно искуство што традиционалните агенции тешко можат да го реплицираат со иста брзина.
GenAI како стратешка инвестиција
За туристичките компании, GenAI повеќе не е иновација – туку неопходна инвестиција.
AI агентит го намалуваат трошокот за поддршка, ја зголемуваат конверзијата на резервации, овозможуваат 24/7 комуникација и нудат предиктивна анализа на побарувачката
Компаниите што нема да инвестираат во оваа технологија ризикуваат да останат зад конкуренцијата во индустрија која станува сè повеќе дигитална и податочно управувана.
