Прелиминарната забрана беше издадена од судијата Виктор Торес во петокот во Стопанскиот суд во Рио де Жанеиро, додека судската постапка се очекува да продолжи. Пресудата, објавена од АФП, им наредува на Sony и Universal Music „веднаш и глобално да ја прекинат употребата, репродукцијата, уредувањето, дистрибуцијата или комерцијализацијата на песната „Million Years Ago“ во која било форма – физичка или дигитална, вклучително и платформите за стриминг.
„Ова е важен момент за бразилската музика, која често служи како инспирација за меѓународните хитови“, рече Фердимио Трота, адвокатот на Тонин Жераес. Жераес тврди дека песната на Адел е плагијат на неговата самба класика Mulheres, која ја снимил познатиот бразилски уметник Мартињо да Вила на успешен албум од 1995 година.
Композиторот бара компензација за изгубените авторски права, 160.000 долари морална отштета и признавање како автор на песната. Адел и нејзините издавачки куќи се уште не се изјасниле, додека адвокатот нагласува дека оваа забрана може да послужи како предупредување за меѓународните уметници и дискографи да не ја злоупотребуваат бразилската музика.
