Според податоците од Државниот завод за статистика 91,2 отсто од сите луѓе на возраст помеѓу 15 и 74 години во земјава користеле интернет, додека 76,4 отсто од нив секојдневно пристапувале на интернет.
Се почесто е и користењето на интернет за нарачување и купување на стоки и услуги во земјава. Според податоците 63,5 отсто од лицата пазареле преку интернет во последниве 12 месеци.
Со ваквите бројки Македонија е во рамките на европскиот просек. На ниво на Европа, 91 отсто од возрасните користеле интернет, а 70 отсто од корисниците на интернет, ја користеле мрежата за нарачување и купување на стоки и услуги.
