Култ-арт

80 години „Остен“

Активностите на ОСТЕН БИЕНАЛЕТО Скопје 2024 кои со голем успех се одвиваа во текот на целата 2024 година, ќе имаат своја завршница на 6 фев. 2025 (чет.) во 19 ч. во Националната галерија на Р. С. Македонија – Чифте амам Скопје со отворањето на официјалната изложба и доделувањето на награди и признанија на уметници и сорботници на ОСТЕН. Овој настан е уште позначаен со оглед на фактот што е првиот во низата настани планирани во оваа јубилејна година – 80 години од постоењето на ОСТЕН!

05/02/2025
13:00

Симболично, на изложбата ќе изложуваат 80 наградени уметници и финалисти од над 40 земји, од кои повеќето лично доаѓаат во Скопје од различни страни на светот да ги примат наградите. Ќе бидат изложени дела од визуелните уметности – уметност на хартија, сликарство, објекти, инсталации, фотографии, видео и мултимедијална уметност.

ОСТЕН БИЕНАЛЕ Скопје 2024- хронологија на активности

ОСТЕН БИЕНАЛЕТО Скопје 2024 започна со објавување на меѓународниот ОТВОРЕН ПОВИК на кој се пријавија 273 уметници од 51 земја со 863 дела!

Јануари – јуни 2024 г. се одвиваше НАЈАВНАТА ПРОГРАМА на ОСТЕН БИЕНАЛЕТО Скопје 2024 во Галерија ОСТЕН со серија самостојни и групни изложби на пријавените уметници;

23.4. – 5.5.2024 изложбата „Тркало на времето“ од извонредниот италијански уметник Марко Бањоли (http://www.marcobagnoli.it), која ОСТЕН БИЕНАЛЕ Скопје ја организира во НГМ – Чифте амам во соработка со ЗЕРИНТИЈА (ZERYNTHIA http://www.zerynthia.it) – Асоцијација за современа уметност од Рим, а со поддршка на Италијанскиот институт за култура и Италијанската амбасада Скопје, како соодветна најава на одлуката на Советот на ОСТЕН „ЗЕМЈА ВО ФОКУС“ На ОСТЕН БИЕНАЛЕТО Скопје 2024 да биде ИТАЛИЈА (повеќе за настанот: https://bit.ly/3woHZVw)

11.5.2024 во 12 ч., ОСТЕН Скопје му ја врачи официјалната награда ГРАН ПРИ за животно остварување на ОСТЕН БИЕНАЛЕТО Скопје 2024 на еден од најголемите уметници на денешницата – МИКЕЛАНЏЕЛО ПИСТОЛЕТО. Според желбата на Пистолето да биде мотив за поврзување и обединување на луѓето и институциите во регионот, чинот на врачување се одржа во Музејот на современа уметност во Белград, како дел од програмата за неговата самостојна изложба „Превентивен мир“. Официјалното ГРАН ПРИ – скулптура од Петар Хаџи Бошков, на Маестро Пистолето му ја врачи Корнелија Конеска, извршен директор на ОСТЕН Скопје.

Настанот беше организиран во соработка со Музеј на современа уметност на Белград, Србија

„Зеринтија“ – Асоцијација за современа уметност, Рим, Италија и Марио Перони.

27.6.2025 во 19 ч. во галерија ОСТЕН започна ОФИЦИЈАЛНАТА ПРОГРАМА на ОСТЕН БИЕНАЛЕТО Скопје 2024 со самостојната изложба на самоукиот надреалист и голем македонски сликар Вангел НАУМОВСКИ – слики, цртежи и графики (од колекцијата на ОСТЕН) … која се одвиваше до декември 2024 со групните изложби од селектираните уметници на Биеналето;

30.6.2024 г. беше крајниот рок на отворениот повик после што следеше СЕЛЕКЦИЈАТА на уметници (селектор Корнелија КОНЕСКА, С. Македонија https://www.osten.mk/kornelija-koneska)

27-31.8.2024 г. се одржа ЖИРИРАЊЕТО од страна на меѓународно жири во состав:

Бруно КОРА, Италија (претседател) https://it.wikipedia.org/wiki/Bruno_Cor%C3%A0 – истакната личност во светот на уметноста, познат по својот придонес како критичар, автор и едукатор уште од 1960-тите, куратор на бројни уметнички биеналиња и изложби вклучително на Алберто Бури, Ив Клајн, Лусио Фонтана, Микеланџело Пистолето и многу други.

Д-р Пик КЕОБАНДИТ, Белгија (член на жири) https://www.facebook.com/pick.keobandith – основач и директор на организацијата Инспиративна култура од Брисел https://www.inspiringculture.art – организација за уметност и културна дипломатија, главен уредник на списанието „Таргет глобал“.

Маја КОЛАРИЌ, Србија (член на жири) https://www.facebook.com/maja.kolaric.16 – историчар на уметност и куратор, директор на Музејот на современа уметност во Белград (https://msub.org.rs).

Од неколкудневните активности на меѓународното жири произлегоа наградите од жирито.

НАГРАДИ од СОВЕТОТ на АМБАСАДОРИ на ОСТЕН

ГРАН ПРИ за животно остварување се додели на Микеланџело ПИСТОЛЕТО (Michelangelo PISTOLETTO, b. 1933) – италијански уметник (сликар, уметнички акции, објекти) и теоретичар, еден од основачите и главен протагонист на Арте повера, радикално италијанско уметничко движење од минатиот век, чии уметници истражуваа низа неконвенционални процеси и примена на нетрадиционални „секојдневни“ материјали.

Наградата СВЕТСКО КУЛТУРНО НАСЛЕДСТВО се додели на Вангел НАУМОВСКИ – еден од најголемите македонски ликовни уметници кого теоретичарите го сврстуваат во редот на самоуките надреалистички сликари – сосем пригодно да се оддаде почит на неговото творештво по повод 100-годишнината од неговото раѓање (1924 – 2006) и 100-годишнината од надреализмот (1924 – 2024).

Во соработка со САВУ – СВЕТСКАТА АСОЦИЈАЦИЈА НА ВИЗУЕЛНИИ УМЕТНОСТИ

(WAVA – World Association of Visual Arts) традиционално се доделени наградите:

Награда УМЕТНИК на СВЕТОТ на Киро УРДИН, С. Македонија

Награда РЕМБРАНТ за извонредност во уметноста на Жан БОГОСИАН, Белгија

Награда БАЛКАНСКИ УМЕТНИК на Данчо ОРДЕВ, С. Македонија

НАГРАДИ од МЕЃУНАРОДНОТО ЖИРИ

ПРВА НАГРАДА за цртеж, графика, комб. техника на хартија – Павол ТРУБЕН, Словачка ПРВА НАГРАДА за слика на платно, инсталација, објеки – K.С. ШРИВАТШАН, Индија ПРВА НАГРАДА за фотографија, видео, мултимедија – Филип ЈОВЕСКИ, С. Македонија

ПОСЕБНА НАГРАДА од жири – Сунгчан КИМ, Ј. Кореа ПОСЕБНА НАГРАДА од жири – Никола МАРКОВИЌ, Србија ПОСЕБНА НАГРАДА од жири – Мари ТЕРАУЧИ, Германија

ПОСЕБНО ПРИЗНАНИЕ од жири – Аница КИТАНОСКА, Италија ПОСЕБНО ПРИЗНАНИЕ од жири – Бруно ПАВИЌ, Хрватска ПОСЕБНО ПРИЗНАНИЕ од жири – Тодорис ТРАМПАС, Грција

НАГРАДИ од СОВЕТОТ на ОСТЕН

Награда ЗЛАТЕН ОСТЕН – Стивен БАЛОГ, Унгарија / САД Награда ЗЛАТЕН ОСТЕН – Анка БОЕРИУ, Романија Награда ЗЛАТЕН ОСТЕН – Пантелис ЦАЦИС, Грција Награда ЗЛАТЕН ОСТЕН – Лиа ЛАПИТИ, Кипар

Награда ЗЛАТЕН ОСТЕН – Јана ЛУЛОВСКА, Н. Македонија

Награда ОСТЕН – Татиана АН, Холандија Награда ОСТЕН – Џон АНТОНИ, Хрватска

Награда ОСТЕН – Арлета ЧЕХИЌ, Босна и Херцеговина Награда ОСТЕН – Филип ЛЕБЛАНК, Белгија

Награда ОСТЕН – Јудит ШТУРМ, Германиија / Шпанија

Награда ОСТЕН за ИНДИВИДУАЛНО ПРЕТСТАВУВАЊЕ – Лисет СОЛОРЗАНО, Куба

Награда ОСТЕН за ГРУПНО ПРЕТСТАВУВАЊЕ – Група БАФ, Грција Награда ОСТЕН за НАЦИОНАЛНО ПРЕТСТАВУВАЊЕ – ИТАЛИЈА

Амбасадори на ОСТЕН

Амбасадорите на ОСТЕН се уметници и професионалци во уметноста со кои споделуваме иста мисија, кои ја препознаваат улогата на ОСТЕН на современата сцена на визуелните уметности и кои го поддржуваат ОСТЕН во реализацијата на неговите цели. По повод 80-годишнината од своето постоење, ОСТЕН ги назначува за АМБАСАДОРИ следните соработници:

Бруно КОРА (р. 1942) Италија

Истакната личност во светот на уметноста, познат по својот придонес како критичар, автор и едукатор уште од 1960-тите, куратор на бројни уметнички биеналиња и изложби вклучително на Алберто Бури, Ив Клајн, Лусио Фонтана, Микеланџело Пистолето, Јанис Кунелис, Јозеф Бојс …

Претседател на ОСТЕН БИЕНАЛЕ Скопје 2024.

Ларс КЕРУЛФ МУЛЕР (р. 1950) Данска

Историчар на уметност, поранешен директор на Борнхолм Музејот за современа уметност (Bornholms Kunstmuseum), член на Управниот одбор за воспоставување на Национална галерија на Гринланд, за своите заслуги одликуван од кралицата на Данска. Претседател на ОСТЕН БИЕНАЛЕ Скопје 2020 и 2022.

Оксана ЖУДИНА БОГО (р. 1971) Италија

Претседател и основач на OKСA проекти (www.okxsa.com) Европска асоцијација за интеракција и соработка во образованието, културата и спортот; Потпретседател на Меѓународната фондација Пушкин; Амбасадор за култура и дипломатија на Дипломатскиот светски институт. Партнер на ОСТЕН АРТ во проектот „Уметноста го обединува светот“ и на ОСТЕН БИЕНАЛЕ Скопје 2024.

***

За ОСТЕН БИЕНАЛЕ Скопје

Самото постоење на една ваква манифестација како што е ОСТЕН БИЕНАЛЕТО, која се потпира врз 80-годишна традиција на ОСТЕН Скопје (основан 1945г.), само по себе е успех, зашто стандардите се високо подигнати и одржувањето на нивото на манифестацијата е предизвик.

Но, тимот на ОСТЕН континуирано го подига реномето на Биеналето преку:

негување на со години воспоставениот организациски модел и негово постојано усовршивање
комуникација со врвни професионалци во уметноста врз чие знаење и експертиза се базира системот на награди со кој им оддаваме признание, ги мотивираме и поддржуваме уметниците
градење на постојана и современа комуникација со нашите најважни соработници – уметниците и заедно со сите нив стануваме дел од процесот на создавање трајни уметнички вредности као основа на светското движно културно наследство.

Награди од Советот на амбасадори

Советот на амбасадори на ОСТЕН е советодавно тело составено од уметници (по правило добитниците на ГРАН ПРИ за животно остварување стануваат и амбасадори на ОСТЕН), професионалци во уметноста (дел од членовите на меѓународното жири на ОСТЕН Биеналето на цртеж), како и други поддржувачи на ОСТЕН и љубители на уметноста. Советот на амбасадори на ОСТЕН предлага и донесува одлука за добитниците на ГРАН ПРИ и СВЕТСКО КУЛТУРНО НАСЛЕДСТВО на секое издение на ОСТЕН Бинале.

ГРАН ПРИ за животно остварување се доделува на автор кој го дистигнал врвот на својот професионален живот и чие творештво претставува највисоко достигнување во светската современа уметност (досега наградени: Џозеф Кошут, Илја и Емилија Кабаков, Пјер Сулаж, Тони Крег, Марина Абрамовиќ, Кристо, Владимир Величковиќ…), а

Наградата СВЕТСКО КУЛТУРНО НАСЛЕДСТВО се однесува на творештвото на починат автор кој има силно влијание во светската историја на уметност (досега наградени: Пабло Пикасо, Виктор Вазарели, Салвадор Дали, Жоан Миро, Хенри Мур, Оскар Кокошка, Рембрант…)

Во соработка со САВУ – Светската асоцијација на визуелнии уметности * (WAVA – World Association of Visual Arts) традиционално се доделуваат награди како признание, мотив и поттик за интернационални уметници: Наградата РЕМБРАНТ за извонредност во уметноста, Наградата УМЕТНИК на СВЕТОТ, Наградата УМЕТНИК на ЕВРОПА и Награда БАЛКАНСКИ УМЕТНИК.