Многу намирници што на прв поглед изгледаат здраво, всушност можат да имаат спротивен ефект – особено кај жените над 40 години. Во тој период телото поминува низ природни промени: метаболизмот се забавува, хормоналниот баланс се менува, а телото станува почувствително на одредени типови храна. Нутриционисти предупредуваат на следниве седум видови „здрава“ храна што може да предизвика дебелеење, воспаленија и дигестивни тегоби:
Вештачки засладувачи
Иако често се промовираат како поздрава алтернатива на шеќерот, вештачките засладувачи можат да предизвикаат воспаленија.
„Тие можат да го нарушат цревниот микробиом и да поттикнат воспалителни процеси што водат до зголемување на тежината“, вели нутриционистката Џоана Вен.
Протеински барови
Иако се претставуваат како здрава ужинка, многу барови содржат високо ниво на додадени шеќери и шеќерни алкохоли.
„Многу од нив повеќе личат на слатки отколку на избалансиран оброк“, вели диететичарката Ро Хантрис. Таа советува внимателно читање на етикетите и избор на барови со повеќе протеини и растителни влакна.
Преработени замени за месо
Вегански колбаси, бургер-плочки и други алтернативи често содржат конзерванси, рафинирани масла и адитиви.
„Таквата храна може да предизвика воспаленија и не ја обезбедува потребната нутритивна вредност“, објаснува нутриционистот Јацек Шимановски.
Житарици за појадок
Засладените житарки содржат рафинирани јаглехидрати и премногу шеќер.
„Тие создаваат нагли скокови и падови на шеќерот во крвта, што води до надуеност и слабост“, објаснува нутриционистката Лиса Ричардс.
Овошни јогурти
Иако јогуртот може да биде здрав избор, ароматизираните верзии содржат додаден шеќер, вештачки бои и ароми.
„Прекумерниот шеќер ги нарушува цревните бактерии и може да предизвика мигрени“, предупредува нутриционистката Мина Булаџи.
Овошни сокови
Цедењето овошје го концентрира шеќерот и отстранува растителни влакна.
„Многу сокови содржат шеќер во количини слични на газираните пијалаци“, вели нутриционистката Шери Бергер. Таа советува избор на 100% природни сокови без додадени шеќери.
Конзервирано овошје
Иако овошјето е здрав избор, конзервираното овошје – особено она во сируп – често содржи додадени шеќери и натриум.
„Дури и кога е во вода или природен сок, сепак може да содржи конзерванси што влијаат врз шеќерот во крвта“, објаснува нутриционистката Кушали Шах.
