Појадокот можеби се смета за најважниот оброк во денот, но тоа не го спречило седумгодишното момче да почне да дејствува откако мајка му не му дозволила да јаде слатко наутро.
Јана Кузмич го замолила својот син Арциом да избере нешто поздраво за појадок од слатки. Тоа толку го налутило што ја грабнал помалата сестра и куферот и решил да го напушти семејниот дом.
„Беше многу смешно кога го видов како ги пакува најважните работи и се подготвува да излезе од дома. Цело време се надеваше дека ќе попуштам, но тоа не се случи. Тој многу ја сака својата сестра, па затоа реши да ја земе со себе“, изјавила мајката за Њусвик.
Кузмич го сними моментот на заминување на нејзиниот син и го објави видеото на TikTok, каде што собра повеќе од седум милиони прегледи.
„Мојот сопруг беше надвор, па Арциом на крајот стигна само до соседната куќа“, додаде мајката.
Открила и што момчето спакувало во куферот што го земал со себе.
„Се разбира, само најважните работи: играчки, резервни чорапи и пелени за сестра му“, заклучила таа.
Извор: ТикТок
